Մ-15․ Հայաստանի հավաքականը հաղթեց Վրաստանին, Ուզբեկստանը՝ Զարգացման գավաթի չեմպիոն

Հայաստանի Մ-15 (2011թ․ ծնվածներ) հավաքականն ավարտվեց ելույթները Զարգացման Գավաթի մրցաշարում։

Վերջին՝ երրորդ խաղում, Նարեկ Դավթյանի թիմը մրցեց Վրաստանի հետ։ Հիմնական ժամանակում թիմերը փոխանակվեցին երկուական գնդակով։ Մեր ընտրանուց աչքի ընկան Սամվել Աթասունցն ու Նարեկ Ավետիսյանը։ Մրցակցից պատասխանեցին Գաբրիել Իմեսաշվիլին և Գեորգի Ղումաշվիլին։

Հետխաղյա 11-մետրանոցներում 2-1 հաշվով հաղթեց Հայաստանը։ Մեր ընտրանին 5 մրավորով զբաղեցրեց մրցաշարային աղյուսակի 2-րդ հորիզոնականը։

Մյուս խաղում Ուզբեկստանը 2-1 հաշվով գերազանցեց Մոլդովային և 6 միավորով դարձավ Զարգացման Գավաթի չեմպիոն։

Զարգացման Գավաթի մրցաշար, Մ-15 մրցաշարային աղյուսակ

1․ Ուզբեկստան - 6
2․ Հայաստան - 5
3․ Վրաստան - 4
4․ Մոլդովա - 3

Զարգացման Գավաթի մրցաշար
Հայաստան Մ-15 - Վրաստան Մ-15՝ 2:2 (2-1)
Մարզադաշտ՝ ՀՖՖ Տեխնիկական կենտրոն/Ֆուտբոլի Ակադեմիա
Մրցավար՝ Տիրան Երիցյան
Գոլեր՝ Սամվել Աթասունց 20', Նարեկ Ավետիսյան 86' - Գաբրիել Իմեսաշվիլի 39', Գեորգի Ղումաշվիլի 58'
11-մետրանոց հարվածաշար` Նարեկ Ավետիսյան, Տիգրան Խաչատրյան - Իրակլի Կորկելիա