Արարատ-Արմենիան գերկամային հաղթանակ տոնեց ԲԿՄԱ-ի նկատմամբ (տեսանյութ)

Fastex Պրեմիեր լիգայի 26-րդ տուրում «Արարատ-Արմենիան» հյուրընկալվել էր ԲԿՄԱ-ին ու հաղթեց 3։2 հաշվով։

Հանդիպման հաշիվը 25-րդ րոպեին բացեց Նարեկ Հովհաննիսյանը։ 58-րդ րոպեին Մարկ Ավետիսյանը կրկնապատկեց ԲԿՄԱ-ի առավելությունը։

4 րոպե անց Արայիկ Էլոյանը կրճատեց հաշվի տարբերությունը, իսկ 71-րդ րոպեին Ժոաու Կեյրուշը վերականգնեց հավասարությունը։ Հյուրերի հաղթական գոլը հեղինակեց Հուգո Օլիվեյրան՝ 83-րդ րոպեին դիպուկ իրացնելով 11-մետրանոցը։

Այս հաղթանակի շնորհիվ Մանուել Տուլիպայի գլխավորած թիմը 57 միավորով գլխավորում է մրցաշարային աղյուսակը։ ԲԿՄԱ-ն 22 միավորով 7-րդն է։



Հիշեցնենք, որ տուրի մեկնարկային խաղում «Ալաշկերտը» նվազագույն հաշվով հաղթել էր «Վանին»։

Վաղը կկայանա «Շիրակ»-«Ուրարտու» (17:00), «Գանձասար»-«Փյունիկ» (19։00) հանդիպումները։ Տուրը կավարտվի մայիսի 19-ին կայանալիք «Նոա»-«Արարատ» (19:00) խաղով։