Ներողություն եմ խնդրում հանրությունից․ Արմեն Մելիքբեկյան
Ազգերի լիգայի անցումային փլեյ-օֆֆի պատասխան խաղում Հայաստանի ազգային հավաքականը Թբիլիսիում 1։6 հաշվով պարտվեց Վրաստանի ազգային հավաքականին։
Խաղից հետո Հայաստանի հավաքանի գլխավոր մարզիչ Ջոն վան'տ Սխիպը սովորականից ուշ ներկայացավ ասուլիսին, իկս մինչև այդ հոլանդացի մասնագետի հետ հայտարարությամբ հանդես եկան Հայաստանի ֆուտբոլի Ֆեդերացիայի նախագահ Արմեն Մելիքբեկյանն ու ավագ Վարազդատ Հարոյանը։
«Խաղից հետո բավականին երկար շփվեցինք ֆուտբոլիստների ու մարզիչների հետ: Երկար ու լուրջ խոսակցություն ունեցանք ու եկանք այն եզրակացության, որ պատրաստ ենք ընդունել այս մարտահրավերը։ Համոզված եմ, որ որպես մի թիմ կարող ենք առաջ գնալ։ Ներողություն եմ խնդրում հանրությունից այս արդյունքի համար: Երկար զրույցից հետո եկել ենք այն որոշմանը, որ կարող ենք որպես մեկ թիմ առաջ գնալ, անկախ այն նեգատիվից, որը կա հայկական ֆուտբոլում»,-ասել է Մելիքբեկյանը։
