Վրաստանի հավաքականի ֆան շարժումը ներողություն է խնդրել մեզանից․ ՖԱՖ հիմնադիր Սերգեյ Ջանջոյան
Ազգերի լիգայի անցումային փլեյ-օֆֆի պատասխան խաղում Հայաստանի ազգային հավաքականը Թբիլիսիում 1։6 հաշվով պարտվեց Վրաստանի ազգային հավաքականին։
Արդեն հայտնել ենք, որ խաղից մարզադաշտում զանգվածային անկարգություններ են սկսվել։ Վրացի երկրպագուները ներխուժել են խաղադաշտ՝ վազելով իրենց ֆուտբոլիստների ուղղությամբ։ Մարզադաշտի անվտանգության աշխատողներն ի վիճակի չէին կառավարել իրավիճակը։
Այնուհետև խաղադաշտ մտած երկրպագուները սկսել են սադրել հայ երկրպագուներին՝ շշեր ու իրեր նետեկով տրիբունայի ուղղությամբ։
Թեմայի վերաբերյալ ՖԱՖ-ի հիմնադիր Սերգեյ Ջանոյանը ֆեյսբուքյան էջում գրել է․
«Վրաստանի հավաքականի ֆան շարժումը` Կոմագեբին, ներողություն է խնդրել մեզնից մարզադաշտի իրենց մի քանի տասնյակ երկրպագուների հիմար ու սխալ պահվածքի համար, սոլիդարություն հայտնել մեր պայքարում..
Ինչպես նշել եմ մի քանի անգամ ֆուտբոլի միջոցով ոչ մի դեպքում մեր 2 երկրների ժողովուրդների մեջ չպետք է թշնամանք ու բացասական տրամադրվածություն առաջանա, մեր թշնամիները մեզ հերիք են։ Իսկ նշածս քայլը կնպաստի կարծում եմ որ մեր երկրների ֆան ակումբները ավելի մտերմանան։
Էս երկրպագուների միջադեպի մասով։ Պադոշ, անինքնասերների մասին ավելի ուշ»։
