Այս տարի հայկական ծանրամարտի լեգենդ, Օլիմպիական խաղերի, աշխարհի 7-ակի, Եվրոպայի 5-ակի չեմպիոն Յուրի Վարդանյանը կդառնար 70 տարեկան։
ՀՀ կրթության, գիտության, մշակույթի և սպորտի նախարար Ժաննա Անդրեասյանը Կոմիտասի անվան զբոսայգու պանթեոնում ծաղիկներ է խոնարհել նրա շիրիմին՝ հարգանքի տուրք մատուցելով անվանի մարզիկի հիշատակին։ Այս մասին հայտնում է ԿԳՄՍՆ պաշտոնական կայքը:
ԿԳՄՍ նախարարին ուղեկցել է Հայաստանի ծանրամարտի ֆեդերացիայի գլխավոր քարտուղար Սամվել Գասպարյանը։
Ծանրամարտի ֆեդերացիայի գլխավոր քարտուղարը նախարար Ժաննա Անդրեասյանին է հանձնել Հայաստանի ծանրամարտի ֆեդերացիայի՝ Յուրի Վարդանյանի անվան հուշամեդալ, որը թողարկվել է մարզիկի 70-ամյակի կապակցությամբ: Այն, մասնավորապես, նախատեսված է սպորտի նվիրյալներին, ինչպես նաև հայկական ծանրամարտի զարգացմանն ու առաջընթացին նպաստող գործիչներին շնորհելու նպատակով։
Ժաննա Անդրեասյանը կարևորել է ֆեդերացիայի տարաբնույթ նախաձեռնությունները՝ ուղղված անվանի մարզիկների հանրահռչակմանը, մարզաձևի զարգացմանն ու տարածմանը երիտասարդների շրջանում:
Sportmedia.am-ը սպորտային մեդիա հարթակ է, որտեղ ներկայացվում են հայկական և միջազգային սպորտի ամենակարևոր և ամենաքննարկվող իրադարձությունները։ Մենք տրամադրում ենք արագ ու վստահելի լուրեր, վերլուծություններ, հարցազրույցներ և հեղինակային բովանդակություն՝ տարբեր մարզաձևերից։
Բոլոր իրավունքները պաշտպանված են։ Մեջբերումներ կատարելիս Sportmedia.am-ին ակտիվ հղումը պարտադիր է։
Կայքը պատասխանատվություն չի կրում գովազդային նյութերի բովանդակության համար։
Կայքը պատրաստված է orf.armenyan -ի կողմից։
