«Ալաշկերտի» նախկին կիսապաշտպան, 32-ամյա Յուրի Գարեգինյանը, որն օրերս հայտարարել էր ֆուտբոլիստի կարիերան ավարտելու մասին, միացել է «Ուրարտուի» մարզչական շտաբին:

Ակումբի մամուլի քարտուղարության հաղորդմամբ՝ նա կլինի Ռոբերտ Արզումանյանի օգնականը։

Յուրի Գարեգինյանը պրոֆեսիոնալ կարիերայում անցկացրել է 254 հանդիպում, որից 242-ը՝ Հայաստանի Պրեմիեր լիգայում։ 2020 թվականին նա նորամուտն է նշել Հայաստանի ազգային հավաքականում։ 32-ամյա ֆուտբոլիստը Հայաստանի չեմպիոն է, գավաթակիր ու սուպերգավաթակիր։ Գարեգինյանը 65 հանդիպում է անցկացրել «Նոայի» (2018/19 մրցաշրջանում՝ «Արցախ») կազմում, 53-ը՝ «Արարատի» կազմում, 47 խաղ՝ «Փյունիկի» կազմում ու 27 խաղ՝ «Վանի» կազմում։

Յուրի Գարեգինյանի կարիերայի վերջին թիմը «Ալաշկերտն» էր, որտեղ նա խաղացել է 2023/24 և 2025/26 մրցաշրջաններում։ «Ալաշկերտի» կազմում նա անցկացրել է 50 հանդիպում։