Նարեկը նաև խաղացել է Հայաստանի բոլոր տարիքային հավաքականներում։ Հայաստանի երիտասարդական հավաքականի կազմում նա մասնակցել է 15 հանդիպման՝ բազմաթիվ անգամներ կրելով թիմի ավագի թևկապը։
Երևանի «Արարատին» է միացել նաև փորձառու կիսապաշտպան Բենիկ Հովհաննիսյանը։ 33-ամյա ֆուտբոլիստը Հայաստանի Պրեմիեր լիգայում անցկացրել է 212 հանդիպում և դարձել է 30 գոլի հեղինակ։
Բենիկ Հովհանիսյանը «Արարատում» խաղացել է 2015/16 մրցաշրջանում։ Նա խաղացել է նաև «Բանանցում», «Ալաշկերտում», «Նոայում» և «Վանում»։ Նրա ակտիվում կա նաև մեկ հանդիպում Հայաստանի ազգային հավաքականում։
Ակումբը նաև երկարաձգել է պայմանագիրը Վոլոդյա Սամսոնյանի հետ: Նրա հետ պայմանագիրը մեկ տարով երկարաձգվել է:
Ալբերտ Խաչումյանը ևս մնում է «Արարատում» 27-ամյա պաշտպանի հետ պայմանագիրը երկարաձգվել է մեկ տարով։ Խաչումյանը 2024 թվականի սկզբին թիմին միանալուց հետո «Արարատի» մարզաշապիկով անցկացրել է 64 հանդիպում և դարձել է մեկ գոլի հեղինակ։
29-ամյա ֆուտբոլիստ Արթուր Քարտաշյանն էլ ավարտել է ելույթներն «Արարատի» կազմում։ Քարտաշյանն «Արարատում» անցկացրել է 2025/26 մրցաշրջանը՝ մասնակցելով 22 հանդիպման։
