Բաքվում ընթացող ըմբշամարտի Մ17 տարեկանների աշխարհի առաջնությունում այսօր պայքարի են դուրս եկել ազատ ոճայինները:
Հայաստանի ներկայացուցիչ 55 կգ քաշային Դավիթ Բալեյանը քառորդ եզրափակչում 4-1 հաշվով առավելության է հասել վրացի Սաբա Մինդիաշվիլիի նկատմամբ ու դուրս եկել կիսաեզրափակիչ, որտեղ երեկոյան Ուզբեկստանի ներկայացուցչի հետ կգոտեմարտի եզրափակիչ դուրս գալու համար:
Բալեյանը պայքարը սկսել է որակավորման փուլից, որտեղ 8:6 հաշվով առավելության է հասել Լեհաստանի ներկայացուցիչ Պրշեմիսլավ Մռոժեկի նկատմամբ: 1/8 եզրափակչում Դավիթը հաղթահարել է մեքսիկայի ըմբիշի արգելքը (0:0):
Հայաստանի մյուս ներկայացուցիչ 65 կգ քաշային Էրիկ Պապիկյանը մեկնարկում 9-1 հաշվով հաղթել է ադրբեջանցի Ռաշիդ Նազարովին ու դուրս եկել հաջորդ փուլ: 1/8 եզրափակչում, սակայն, Պապիկյանը զիջել է Ռուսաստանի ներկայացուցիչ Մագոմեդ Իհրահիմովին: Եթե վերջինս հասնի եզրափակիչ, Պապիկյանը սփոփիչ գոտեմարտ կանցկացնի:
Այսօր գորգ է դուրս եկել նաև 80 կգ քաշային Վաչե Ասլանյանը, որը, սակայն, որակավորման փուլում 2:3 հաշվով զիջել է Ռուսաստանը ներկայացնող Կանտեմիր Էլմեսովին և լքել պայքարը:
Sportmedia.am-ը սպորտային մեդիա հարթակ է, որտեղ ներկայացվում են հայկական և միջազգային սպորտի ամենակարևոր և ամենաքննարկվող իրադարձությունները։ Մենք տրամադրում ենք արագ ու վստահելի լուրեր, վերլուծություններ, հարցազրույցներ և հեղինակային բովանդակություն՝ տարբեր մարզաձևերից։
Բոլոր իրավունքները պաշտպանված են։ Մեջբերումներ կատարելիս Sportmedia.am-ին ակտիվ հղումը պարտադիր է։
Կայքը պատասխանատվություն չի կրում գովազդային նյութերի բովանդակության համար։
Կայքը պատրաստված է orf.armenyan -ի կողմից։
