Հայքը լուծարման շեմի՞ն․ Ի՞նչ է կատարվում Առաջին խմբի առաջնությունում

Ֆուտբոլի Հայաստանի Պրեմիեր լիգայում և Առաջին խմբի առաջնությունում մեկնարկել է նոր մրցաշրջանը։  Հայաստանի Պրեմիեր լիգայում ավարտվել է առաջին տուրը, իսկ Առաջին խմբի առաջնության առաջին տուրը կավարտվի այսօր։ 

Մինչ երկրպագուներն ու ֆուտբոլային աշխարհի ներկայացուցիչներն ակտիվորեն քննարկում են Հայաստանի Պրեմեիր լիգան առանց տիտղոսային հովանավորի անցկացնելու և խաղերի հեռուստահեռարձակման բացակայությունը, Առաջին խմբի առաջնությունում նոր իրադարձություններ են ծավալվում՝ հետաձգվել է առաջին տուրի «Հայք» - «Բենտոնիտ» հանդիպումը։

Sportmedia.am-ի տեղեկություններով, «Հայքը» չի մասնակցելու Առաջին խմբի նոր մեկնարկած առաջնությանը, ակումբը նույնիսկ լուծարման շեմին է։ 

«Հայք» ՖԱ-ն նախորդ մրցաշրջանում նշեց նորամուտը Հայաստանի Առաջին խմբի առաջնությունում, որտեղ գրավեց  3-րդ տեղը։