Մխիթարյանը պատմել է, թե որ ակումբում կցանկանա ավարտել կարիերան
«Միլանի Ինտերի» կիսապաշտպան և Հայաստանի հավաքականի նախկին ավագ Հենրիխ Մխիթարյանը պատմել է, թե որ ակումբում է ցանկանում ավարտել իր ֆուտբոլային կարիերան:
«Իմ ցանկությունն է բարձր մակարդակով ավարտել այնպիսի ակումբում, ինչպիսին «Ինտերն» է։ Այս պահին ես երջանիկ եմ այստեղ, կցանկանայի շարունակել, իսկ հետո կտեսնենք, թե ինչ կլինի։ Սպասենք մինչև մրցաշրջանի ավարտը, և հետո կտեսնենք, թե ես կմնա՞մ, թե՞ հեռանամ»,- Մխիթարյանի խոսքերն է փոխանցում Ջանլուկա Դի Մարցիոյի կայքը:
36-ամյա Մխիթարյանը Սիմոնե Ինձագիի նախընտրած կիսապաշտպանական եռյակի մշտական խաղացողն է՝ Նիկոլո Բարելլայի և Հաքան Չալհանօղլուի կողքին: 2025 թվականի մարտի 1-ի դրությամբ նա իտալական թիմի կազմում անցկացրել է 92 հանդիպում։ Մխիթարյանի պայմանագիրը «ներաձուրիների» հետ նախատեսված է մինչև 2026 թվականի ամառը:
