Գերլարված հանդիպում Գյումրիում․ Նոան դրամատիկ խաղում հաղթեց Շիրակին

Fastex Հայաստանի Պրեմիեր լիգայի 24-րդ տուրում «Շիրակը» Գյումրի «Քաղաքային» մարզադաշտում 1։2 հաշվով պարտվեց «Նոային»։

33-րդ րոպեին տանտերերի դարպասին 11 մետրանոց    նշանակվեց, սակայն երկու  երևանյան թիմի հարձակվող Գոնսալո Գրեգորիոյի հարվածից հետո  «Շիրակի» դարպասապահ Դարկո Վուկաշինովիչը տիրեց գնդակին։ 38-րդ րոպեին Ռաֆիկ Միսակյանը ֆանտաստիկ կրակոցով առաջ մղեց տանտերերին։ Առաջին կեսի ավելացրած ժամանակի վերջին րոպեին «Նոան» ևս մեկ 11 մետրանոցի իրավունք ստացավ, սակայն Գոնսալո Գրեգորիոն կրկին չկարողացավ գրավել Դարկո Վուկաշինովիչի դարպասը։

Երկրորդ կեսի հենց սկզբում Հովհաննես Համբարձումյանը գլխի հարվածով հավասարեցրեց հաշիվը։ Հիմնական ժամանակի ավարտից 4 րոպե առաջ մրցավարը ևս մեկ 11 մետրանոց նշանակեց «Շիրակի» դարպասին, որից հետո կրքերը խաղադաշտում թեժացան։ Գյումրեցի երկրպագուները սկսեցին իրեր նետել խաղադաշտ, հանդիպումը մի քանի րոպե անց շարունակվեց։

Այսպիսով, «Նոան» Գյումրիում դժվարին հաղթանակ տարավ և մրցաշարային աղյուսակը գլխավորում է 52 միավորով ու 5 միավորի առավելություն ունի երկրորդ տեղում գտնվող, մեկ խաղ ավելի անցկացրած «Ուրարտուի» նկատմամբ։

«Շիրակը» 25 միավորով 6-րդն է։