Ըմբշամարտի ԵԱ․ Անդրեասյանն այսօր կպայքարի 2-րդ անընդմեջ չեմպիոնության համար

Սլովակիայի մայրաքաղաք Բրատիսլավայում ընթացող ազատ ոճի ըմբշամարտի Եվրոպայի առաջնությունում գործող չեմպիոն Արման Անդրեասյանն այսօր կպայքարի երկրորդ անընդմեջ չեմպիոնության համար։

70 կգ քաշային կարգի կիսաեզրափակիչում Անդրեասյանը 3:1 հաշվով հաղթեց վրացի Ակակի Կեմերտելիձեին:  

Եզրափակիչում Անդրեասյանի մրցակիցը կլինի  ռուսաստանցի Դավիդ Բաևը:

Հայաստանի ներկայացուցիչներից այսօր բրոնզե մեդալի համար կպայքարեն 65 կգ քաշային Վազգեն Թեւանյանը,   57 կգ Մանվել Խնձրցյանը 97 կգ Գուրգեն Սիմոնյանը։:

Հայաստանի հավաքականից այսօր պայքարը կսկսեն ԵՎոպայի քառակի չեմպիոն, 61 կգ քաշային  Արսեն Հարությունյանն ու 74 կգ քաշային Նարեկ Հարությունյանը:

Արսեն Հարությունյանը 1/8 եզրափակիչում կմրցի բուլղարացի Սթիլյան Իլիևի դեմ, Նարեկ Հարությունյանը կմեկնարկի  Հունգարիան ներկայացնող Մուրադ Կուրամագոմեդովի հետ գոտեմարտով: