Ինտերը հաղթեց Մյունխենում․ Մխիթարյանը մասնակցեց հանդիպմանը (տեսանյութ)

Չեմպիոնների լիգայի քառորդ եզրափակիչում «Ինտերը» հյուրընկալվել էր «Բավարիային»։

Իտալական ակումբը հաղթանակի հասավ 2։1 հաշվով։

Հանդիպման հաշիվը 38-րդ րոպեին բացեց Լաուտարո Մարտինեսը։ 85-րդ րոպեին փոխարինման մտած Թոմաս Մյուլերը վերականգնեց հաշվի հավասարությունը, բայց դրանից 3 րոպե անց Դավիդե Ֆրատեսին կրկին առաջ մղեց «Ինտերին»։

Հայաստանի ազգային հավաքականի նախկին ավագ, լավագույն ռմբարկու Հենրիխ Մխիթարյանն ընդգրկված էր հյուրերի մեկնարկային կազմում ու փոխարինվեց 74-րդ րոպեին։ Փոխարինումից մի քանի րոպե առաջ Մխիթարյանը խախտման գնով կանգնեցրեց Հարի Քեյնին՝ ստանալով դեղին քարտ։

Հայ ֆուտբոլիստը հեղինակավոր SofaScore կայքի կողմից արժանացել է 7,2 գնահատականին։ WhoScored-ը Հենրիխին նույն գնահատականին է արժանացրել։

Թիմերի միջև պատասխան հանդիպումը տեղի կունենա ապրիլի 16-ին՝ Միլանում։