Ըմբշամարտ. Արսեն Հարությունյանն այսօր կպայքարի Եվրոպայի 5-րդ ոսկե մեդալի համար

Բրատիսլավայում ընթացող ըմբշամարտի Եվրոպայի առաջնությունում Հայաստանի ներկայացուցիչ, Եվրոպայի քառակի չեմպիոն, աշխարհի եռակի բրոնզե մեդալակիր Արսեն Հարությունյանն այսօր երեկոյան հանդես կգա եզրափակչում:

Ոսկե մեդալի համար Արսենը կպայքարի Տոկիոյի Օլիմպիական խաղերի չեմպիոն, աշխարհի կրկնակի ոսկե մեդալակիր, ռուսաստանցի Զաուր Ուգուևի հետ, որը հանդես է գալիս UWW-ի դրոշի ներքո։

Հիշեցնենք, որ որակավորման փուլում հայ մարզիկի մրցակիցը բուլղար Ստիլյան Իլիև Յանչևն էր, որին Հարությունյանը հաղթեց 11։0 հաշվով։ Քառորդ եզրափակչում նա 12:2 հաշվով ջախջախել է մոլդովացի Լեոնիդ Կոլեսնիկին։, իսկ կիսաեզրափակչում 5։2 հաշվով առավելության է հասել Ալբանիայի ներկայացուցիչ Զելիմխան Աբակարովին։