Արարատի ֆուտբոլիստը կողոսկրի կոտրվածք է ստացել. հայտնի է՝ որքան բաց կթողնի
«Արարատի» ֆրանսիացի պաշտպան Մարվին Էվունայի մոտ ախտորոշվել է կողոսկրի կոտրվածք: Այս մասին հայտնում է երևանյան ակումբի մամուլի քարտուղարությունը:
«Ակումբի բժշկական շտաբը կհետևի նրա վերականգնման ընթացքին։ Նախնական գնահատմամբ՝ Էվունան ստիպված կլինի մարզումներից բացակայել առնվազն հինգ շաբաթ»,- ասվում է ակումբի տարածած հաղորդագրության մեջ:
Հիշեցնենք, որ ֆուտբոլիստը վնասվածք էր ստացել ապրիլի 8-ին Գյումրիում կայացած «Շիրակ» - «Արարատ» հանդիպման ընթացքում և փոխարինվել էր 37-րդ րոպեին:
