Հայտնի են Արսեն Չիլինգարյանի գավաթի խաղարկության կիսաեզրափակչի բոլոր մասնակիցները
Արսեն Չիլինգարյանի գավաթի խաղարկության կիսաեզրափակչում «Արարատը» կհանդիպի B խմբի հաղթող «Գանձասարին»: Կապանյան թիմը խմբային փուլում երեք անընդմեջ հաղթանակ է տարել:
Հիշեցնենք, որ «Արարատի» նախկին պաշտպան Արսեն Չիլինգարյանի անունը կրող մրցաշարի խմբային փուլում «Արարատը» հանդես է եկել մեծամասամբ հայ երիտասարդ ֆուտբոլիստներով, երեք խաղում տարել է մեկ հաղթանակ, երկու հանդիպում ավարտել է ոչ-ոքի և 5 միավորով զբաղեցրել է A խմբի երկրորդ հորիզոնականը:
«Արարատի» և «Գանձասարի» միջև կիսաեզրափակիչ հանդիպումը կկայանա փետրվարի 6-ին` 11:00-ին, «Ջունիոր Սպորտ» մարզադաշտում:
Կիսաեզրափակիչ մյուս զույգը կազմել են «Ալաշկերտն» ու «Արարատ-Արմենիա-2»-ը: «Ալաշկերտը» խմբային փուլում անցկացրած 3 խաղում տարել է 2 հաղթանակ և գրանցել է 1 ոչ-ոքի` խմբում զբաղեցնելով առաջին տեղը:
