Հունահռոմեական ոճի ըմբիշ, 63 կգ քաշային Կարեն Ասլանյանն արծաթե մեդալ է նվաճել Սլովակիայում ընթացող Եվրոպայի առաջնությունում։
Ասլանյանը, որն առաջին անգամ էր դուրս եկել ԵԱ-ի եզրափակիչ, ոսկե մեդալի համար պայքարում զիջել է Թուրքիայի ներկայացուցիչ Կերեմ Քամալին։
Կարեն Ասլանյանը պայքարը սկսել էր քառորդ եզրափակչից, որտեղ 30 վայրկյանում 8:0 հաշվով ջախջախել էր Լեհաստանի ներկայացուցիչ Մայրբեկ Սալիմովին: Կիսաեզրափակչում արդեն հայ ըմբիշը դարձյալ ժամանակից շուտ 8։0 հաշվով առավելության էր հասել ուկրաինացի Անդրեյ Սեմենչուկի հետ։
