Այսօր՝ ապրիլի 16-ին, կկայանա ՈՒԵՖԱ-ի Չեմպիոնների լիգայի 1/4 եզրափակչի պատասխան հանդիպումը, որում կհանդիպեն Միլանի «Ինտերն» ու Մյունխենի «Բավարիան»։
Խաղը կկայանա Միլանի «Սան Սիրո» (Ջուզեպպե Մեացա) մարզադաշտում։ Հանդիպման գլխավոր մրցավարը կլինի սլովենացի Սլավկո Վինչիչը։ Հանդիպումը կմեկնարկի ժամը 23:00-ին:
Չեմպիոնների լիգայի քառորդ եզրափակչի «Բավարիա»-«Ինտեր» առաջին խաղում միլանյան ակումբը հաղթել է 2։1 հաշվով։ Այս խաղում «ներաձուրիների» գոլերը խփել են հարձակվող Լաուտարո Մարտինեսը և կիսապաշտպան Դավիդե Ֆրատտեսին։ «Բավարիայի» կազմում գոլի հեղինակ է դարձել կիսապաշտպան Թոմաս Մյուլերը։
