Չեմպիոնների լիգայի քառորդ եզրափակիչի պատասխան խաղում Մյունխենի Բավարիան հյուրընկալվել էր Ինտերին։
Հանդիպումն ավարտվեց ոչ-ոքի՝ 2։2 հաշվով։ 52-րդ րոպեին խաղի հաշիվը բացեց Հարի Քեյնը։ 58-րդ րոպեին Լաուտարո Մարտինեսը վերականգնեց հաշվի հավասարությունը, իսկ 3 րոպե անց Բենժամեն Պավարը առաջ մղեց Ինտերին հաշվի մեջ։ 76-րդ րոպեին Էրիկ Դայերը վերականգնեց հաշվի հավասարությունը։ Ավելի անել մյունխենյան ակումբին չհաջողվեց, իսկ դիմակայությունում իտալական ակումբը հաղթելով 4։3 հաշվով՝ դուրս է գալիս կիսաեզրափակիչ, որտեղ կմրցի Բարսելոնայի դեմ։
Հայաստանի ազգային հավաքականի նախկին ավագ Հենրիխ Մխիթարյանն ընդգրկված էր Ինտերի մեկնարկային կազմում ու մասնակցեց ողջ հանդիպմանը։ Կիսաեզրափակիչ հանդիպումները նախատեսված են ապրիլի 29-ին։
