ՀՊԼ 27-րդ տուրի «Նոա» – «Գանձասար» հանդիպումը կանցկացվի Երևանի Վազգեն Սարգսյանի անվան Հանրապետական մարզադաշտում:
Այս մասին հայտնում է «Նոայի» մամուլի քարտուղարությունը:
«Հաշվի առնելով Վահագն Թումասյանի անվան մարզադաշտի գերբեռնվածությունը, դաշտի ներկայիս վիճակը և մեր հարազատ մարզադաշտի խոտածածկի որակը պահպանելու կարևորությունը՝ մեր մրցակից «Գանձասարի» հետ համատեղ, դիմել ենք Հայաստանի Ֆուտբոլի ֆեդերացիային՝ առաջիկա մրցափուլի վայրի փոփոխության խնդրանքով։
ՀՖՖ մրցումների բաժինը հաստատել է մեր համատեղ դիմումը»,- ասվում է ակումբի տարածած հաղորդագրության մեջ:
