Արսեն Զախարյանը վերսկսել է մարզումները խաղադաշտում
«Ռեալ Սոսյեդադի» կիսապաշտպան Արսեն Զախարյանը սկսել է մարզվել խաղադաշտում։ Այս մասին հաղորդում է Match TV-ն՝ հղում անելով իր աղբյուրներին:
Ըստ աղբյուրի՝ Զախարյանը բարձր ինտենսիվությամբ վարժություններ է կատարում, սակայն ֆուտբոլիստը դեռ չի սկսել աշխատել թիմի հետ ընդհանուր խմբում։
Ավելի վաղ ԶԼՄ-ները հայտնում էին, որ Զախարյանը վնասվածքի կրկնության պատճառով վաղ է ավարտել մրցաշրջանը և կվերականգնվի մինչև ակումբի նախամրցաշրջանային հավաքի մեկնարկը։
Այս մրցաշրջանում Զախարյանը «Ռեալ Սոսյեդադի» կազմում չորս հանդիպում է անցկացրել բոլոր մրցաշարերում՝ դառնալով մեկ գոլի և մեկ գոլային փոխանցման հեղինակ։ Ֆուտբոլիստի գործող պայմանագիրն ակումբի հետ նախատեսված է մինչև 2029 թվականի ամառը: Transfermarkt-ի տվյալներով՝ 21-ամյա ֆուտբոլիստի շուկայական արժեքը կազմում է 15 միլիոն եվրո:
