Մհեր Օհանյանը՝ սամբոյի Եվրոպայի չեմպիոն

Կիպրոսի Լիմասոլ քաղաքում շարունակվում է Սամբոյի Եվրոպայի առաջնությունը։

Այսօր պայքարի մեջ էին մտել երիտասարդները։

Հայաստանի ներկայացուցիչ, 71 կգ քաշային Մհեր Օհանյանը դարձավ Եվրոպայի չեմպիոն։ Եզրափակիչում Օհանյանը հաղթանակի հասավ վրացի Միխեիլ Գապրինդաշվիլիի նկատմամբ։ Տեսանյութը՝ այստեղ։

Երիտասարդական հավաքականը նվաճել է նաև 2 արծաթե ու 3 բրոնզե մեդալ։ Եվրոպայի փոխչեմպիոն են ճանաչվել Արշակ Բեխչյանը (64 կգ) ու Սեյրան Սարուխանյանը (88 կգ), բրոնզե մեդալի են արժանացել՝ Սամվել Ղազարյանը (79 կգ), Էրիկ Սաղաթելյանը (98 կգ), Արսեն Հայրապետյանը (98+ կգ)

Հիշեցնենք, որ երեկ Հայաստանի համար 6 մեդալ էին ապահովել նաև մեծահասակների հավաքականի ներկայացուցիչները։ Եվրոպայի չեմպիոն էր հռչակվել 98 կգ քաշային Արման Ավանեսյանը։

Վաղը կմեկնարկի պատանիների առաջնությունը։