11 մլն դրամ ՝ Եվրոպայի առաջնության մեդալակիր ծանրորդների պարգևատրմանը
Ծանրամարտի ֆեդերացիան պետության կողմից տրվող պարգևներից զատ, բուն ֆեդերացիայի միջոցներով էլ է փորձում խրախուսել մարզիկներին:
«Հենց այս նպատակով` պարգևատրվեցին Եվրոպայի առաջնության նաև առանձին վարժությունների մեդալակիրները: Ֆեդերացիայի այս պարգևատրման ընդհանուր ֆոնդը կազմել է 11 միլիոն դրամ»,- ասվում է ֆեդերացիայի տարածած հաղորդագրության մեջ:
Ավելի վաղ հայտնել էինք, որ Հայաստանի ծանրամարտի ֆեդերացիայի նախագահ Արայիկ Հարությունյանը պարգևատրել է Եվրոպայի առաջնության չեմպիոններին, մեդալակիրներին, մարզչական շտաբին ու բուժանձնակազմին: ԵԱ-ի չեմպիոններ Վարազդատ Լալայանն ու Գարիկ Կարապետյանը մեկական մլն դրամ կստանան։
