ԱՄԷ-ում ուսումնամարզական հավաք անցկացնող Հայաստանի գործող չեմպիոն Երևանի «Փյունիկը» հավաքի երկրորդ ստուգողական խաղում 3։1 հաշվով հաղթել է ԱՄԷ-ի երկրորդ դիվիզիոնը ներկայացնող «Էլիտ Ֆալկոնսին»։
Եղիշե Մելիքյանի գլխավորած թիմում գոլի հեղինակ են դարձել Սանի Բուհարին, Դավիդ Դավիդյանը և Թեմուր Ջիկիան։
Հիշեցնենք, որ հավաքի առաջին խաղում Հայաստանի չեմպիոնը 1։4 հաշվով պարտվել էր ռուսական «Ուրալին»։
Ֆաստեքս Հայաստանի Պրեմիեր լիգայի գարնանային հատվածից առաջ «Փյունիկը» 37 միավորով 3-րդն է ու 3 միավոր է զիջում մեկ խաղ պակաս անցկացրած, առաջատար «Նոային»։
Փետրվարի 20-ին Եղիշե Մելիքյանի գլխավորած թիմը Հայաստանի սուպերգավաթի համար խաղում կմրցի «Արարատ-Արմենիայի» հետ, իսկ փետրվարի 25-ին կանցկացնի տարվա առաջին խաղը առաջնությունում՝ հյուրընկալվելով «Ալաշկերտին»։
