«Ուրարտուի» մամուլի քարտուղարության փոխանցմամբ՝ ֆուտբոլիստն անցկացրել է իր 100-րդ հանդիպումը Հայաստանի առաջնություններում: Միրզոյանը «Ուրարտուի» համակարգի ֆուտբոլիստ է։ 2020-2023 թվականներին կիսապաշտպանը հանդես է եկել ԲԿՄԱ-ի կազմում, որից հետո վերադարձել է հարազատ ակումբ։

Հիշեցնենք՝ Fastex Պրեմիեր լիգայի 28-րդ տուրում «Ուրարտուն» Գյումրիում ոչ-ոքի է խաղացել «Շիրակի» հետ՝ 1:1: 84-րդ րոպեին հյուրերին առաջ է մղել Բրունո Միշելը։ 2 րոպե անց Ռուդիկ Մկրտչյանը խփել է պատասխան գոլը։

Այս խաղից հետո «Ուրարտուն» 52 միավորով երրորդն է, «Շիրակը» 6-րդն է՝ 29 միավորով։