Արարատ-Արմենիան խոշոր հաշվով հաղթեց Շիրակին

Fastex Հայաստանի Պրեմիեր լիգայի 29-րդ տուրում «Արարատ-Արմենիան» ընդունել էր «Շիրակին» ու հասավ կամային հաղթանակի 5։1 հաշվով։

21-րդ րոպեին Եփրեմ Սեդրիկ Դոն բացեց խաղի հաշիվ, ինչից 2 րոպե անց Տենտոն Յեննեն վերականգնեց հաշվի հավասարությունը։ 30-րդ րոպեին Ժիրայր Շաղոյանը գեղեցիկ հարվածով առաջ մղեց «Արարատ-Արմենիային»։ 60-րդ րոպեին, օգտվելով «Շիրակի» պաշտպանի սխալ փոխանցումից Մեթյու Գբոմադուն հաշիվը դարձրեց 3։1, իսկ 13 րոպե անց գրանցեց դուբլ։ 77-րդ րոպեին դուբլ ձևակերպեց նաև Տենտոն Յեննեն՝ վերջակետ դնելով հանդիպմանը։

Այս հաղթանակից հետո Վարդան Մինասյանի գլխավորած թիմը 57 միավորով 2-րդ տեղում է։ «Շիրակը» 29 միավորով 6-րդ հորիզոնականում է։