Վանը երկարաձգել է չորս ֆուտբոլիստների հետ պայմանագրերը

«Վանը» երկարաձգել է Կարեն Նալբանդյանի, Մոմո Տուրեի, Արսեն Սադոյանի և Ռոբերտ Հակոբյանի հետ պայմանագրերը:

Այս մասին հայտնում է Չարենցավանը ներկայացնող ակումբի մամուլի քարտուղարությունը:

Ֆուտբոլիստների հետ նոր պայմանագրերը նախատեսված են մինչև 2025/26 մրցաշրջանի ավարտը:

Ֆաստեքս Հայաստանի Պրեմիեր լիգայի գարնանային հատվածից առաջ «Վանը» 29 միավորով 5-րդն է։

Այս տարի Վահե Գևորգյանի գլխավորած թիմն առաջնության առաջին հանդիպումը կանցկացնի փետրվարի 23-ին՝ հյուրընկալվելով «Գանձասարին»։