3 գործոն կա, որ կազդի խաղի վրա. Մինասյանը՝ Նոայի հետ գավաթային եզրափակչի մասին
Վ. Սարգսյանի անվան «Հանրապետական» մարզադաշտում այսօր կկայանա Հայաստանի գավաթի եզրափակիչ «Նոա»-«Արարատ-Արմենիա» հանդիպումը։
Մինչ այդ կայացել է երկու թիմերի գլխավոր մարզիչների և ֆուտբոլիստների նախախաղային ասուլիսը:
«Առհասարակ մենք պայքարում ենք բոլոր տիտղոսների համար: Այս տարի արդեն մեկ տիտղոս նվաճել ենք, հիմա փորձելու ենք երկրորդը նվաճել: Գավաթի եզրափակիչը մեկ խաղ է. թե, ինչպես են թիմերն արել մինչև այդ, արդեն մղվում է երկրորդ պլան: Ամենակարևորն այն է, թե հենց այդ օրն ինչ կլինի: 3 գործոն կա, որ ազդում է խաղի վրա՝ ֆուտբոլիստների տակտիկական որոշումները, ֆուտբոլիստների ֆունկցիոնալ վիճակը և հոգեբանությունը: Այս երեք գործոններն ազդելու են խաղի վրա»,- ասել է Մինասյանը:
Անդրադառնալով իր թիմին՝ Մինասյանն ասել է՝ թիմը ձմեռային դադարից հետո այլ տեսք ունի, նոր թափ է հավաքել, բայց եզրափակիչն այլ դիմակայություն է:
