Փյունիկը հաղթեց Արարատին՝ ապահովելով տեղը Կոնֆերենցիաների լիգայի որակավորման փուլում
Fastex Հայաստանի Պրեմիեր լիգայի 31-րդ տուրում «Փյունիկն» ընդունել էր «Արարատին» ու հաղթեց 5։2 հաշվով։
Իր անվան դիմաց դուբլ գրանցեց Սերժ Դեբլեն, մեկական անգամ աչքի ընկան Էդգար Մալաքյանն ու Յուսուֆ Օտուբանջոն ու ինքնագոլ գրանցեց Մամադու Դումբիան։ «Արարատից» Ստանիսլավ Բուչնևի պաշտպանած դարպասի բանալին գտան Դումբիան ու Մուսա Կանտեն։
Այս հաղթանակի շնորհիվ «Փյունիկը» վաստակում է 53 միավոր և ամրապնդվում է 4-րդ հորիզոնականում՝ դառնալով անհասանելի «Վանի» համար, որն իր ակտիվում ունի 46 միավոր։ Եղիշե Մելիքյանի գլխավորած թիմը ապահովում է իր մասնակցությունը Կոնֆերենցիաների լիգայի որակավորման փուլին։
