Գոլային հրավառություն, բայց առանց հաղթողի․ Ուրարտուն ու Նոան ոչ-ոքի խաղացին (տեսանյութ)

Fastex Հայաստանի Պրեմիեր լիգայի 31-րդ տուրում «Ուրարտուն» ընդունել էր «Նոային»։

Խաղից առաջ «Ուրարտուի» ֆուտբոլիստների գեղեցիկ ժեստով դիմավորեցին Հայաստանի առաջնության նորընծա չեմպիոն թիմի ֆուտբոլիստներին՝ միջանցք բացելով նրանց համար։

Լարված պայքարում անցած խաղում թիմերը հաղթողին չպարզեցին՝ հանդիպումն ավարտվեց 3։3 հաշվով։ 

Խաղի հաշիվն 9-րդ րոպեին բացեց Կարեն Մելքոնյանը։ 21-րդ րոպեին Հելդեր Ֆերեյրան վերականգնեց հաշվի հավասարությունն, իսկ 5 րոպե անց Մաթեուս Այասը առաջ մղեց «Նոային»։ 1-ին կեսի ավարտից 3 րոպե առաջ Խարիտոն Այվազյանը հավասարեցրեց հաշիվը, իսկ մրցավարի ավելացրած 9-րդ րոպեին Գոնսալու Սիլվան գրավեց սեփական դարպասը՝ առաջ մղելով «Ուրարտուին»։ 2-րդ կեսում՝ 49-րդ րոպեին Գուդմունդոր Թորարինսոնը հաշիվը դարձրեց 3։3․

Այս հանդիպումից հետո «Ուրարտուն» 59 միավորով 3-րդ տեղում է։ «Նոան», որն ինչպես արդեն նշեցինք հռչակվել է չեմպիոն, իր ակտիվում ունի 72 միավոր։