Լոկոմոտիվը սահմանել է Տիկնիզյանի հրաժարագինը. նրանով հետաքրրքված են եվրոպական ակումբները
Մոսկվայի «Լոկոմոտիվը» պատրաստ է վաճառել Հայաստանի հավաքականի պաշտպան Նաիր Տիկնիզյանին։ Երկաթուղայինները համաձայն են ֆուտբոլիստին բաց թողնել շուրջ 2-3 միլիոն եվրոյի դիմաց: Այս մասին հայտնում է րագրող Իվան Կարպովը։
Հաղորդվում է, որ եվրոպական որոշ ակումբներ Տիկնիզյանի թեկնածությունը պահում են իրենց ուշադրության կենտրոնում։ Նշվում է, որ ֆուտբոլիստին կարող են հավակնել իտալական «Վերոնան» և իսպանական «Սևիլյան»։
Ավելի վաղ Նաիր Տիկնիզյանը հայտարարել էր, որ ամառային տրանսֆերային պատուհանի ժամանակ պատրաստվում է խնդրել «Լոկոմոտիվի» ղեկավարությանը բաց թողնել իրեն, քանի որ դժգոհ է այն խաղաժամանակից, որ ստանում է մոսկովյան ակումբում:
Տիկնիզյանը «երկաթուղայինների» կազմում խաղում է 2021 թվականից, ուր տեղափոխվել էր ԲԿՄԱ-ից։ Հեղինակավոր Transfermarkt պորտալը ֆուտբոլիստի արժեքը գնահատում է 6 միլիոն եվրո։
Այս մրցաշրջանում Տիկնիզյանը բոլոր մրցաշարարերում մասնակցել է 33 խաղի, խփել է երկու գոլ և կատարել չորս գոլային փոխանցում։ Պաշտպանի գործող պայմանագիրը «Լոկոմոտիվի» հետ նախատեսված է մինչև 2026 թվականի կեսերը։
