Fastex Հայաստանի Պրեմիեր լիգայի 32-րդ տուրում «Ուրարտուն» հյուրընկալվել էր «Արարատին» ու հաղթեց 2։4 հաշվով։
Հանդիպման հաշիվը բացեց Կարեն Մելքոնյանը՝ 5-րդ րոպեին։ Առաջին կեսի ավարտից 2 րոպե առաջ Ջեյմս Ջոնը վերականգնեց հաշվի հավասարությունը։ 52-րդ րոպեին Արտեմի Գունկոն, 67-րդ րոպեին Արտեմ Պոլյարուսը, իսկ 86-րդ րոպեին Վլադիսլավ Յակովլևը խփեցին «Ուրարտուին» 2-րդ, 3-րդ ու 4-րդ գոլերը։ Հիմնական ժամանակին ավելացված 2-րդ րոպեին Կեսսի Բան հաշիվը դարձրեց 2։4․
69-րդ րոպեին միջադեպ տեղի ունեցավ Մուսսա Կանտեի ու Ժիրայր Մարգարյանի միջև, այդ ամենին խառնվեց նաև Նարեկ Աղասարյանը։ Վերջինս ստացավ կարմիր քարտ ու հեռացվեց խաղադաշտից։ Նույն ճակատագրին արժանացավ նաև Կանտեն։
Այս հաղթանակից հետո «Ուրարտուն» 62 միավորով 3-րդն է։ «Արարատը» 32 միավորով 8-րդն է։
Վերջին տուրում Դմիտրի Գունկոյի գլխավորած թիմը կմրցի «Վանի», իսկ «Արարատը»՝ «Արարատ-Արմենիայի» դեմ։
