Հպարտ եմ այս թիմով ու Սպերցյանի ձեռքբերումներով․ Յուրա Մովսիսյան

Հայաստանի ազգային հավաքականի լեգենդար հարձակվող Յուրա Մովսիսյանն իր սոցիալական ցանցերի էջերում գրառում է կատարել՝ շնորհավորելով «Կրասնոդարին», թիմի ավագ Էդուարդ Սպերցյանին ու սեփականատեր Սերգեյ Գալիցկուն։

Մասնավորապես, Մովսիսյանը գրել է՝

«Շնորհավորում եմ Կրասնոդար քաղաքին և Սերգեյ Գալիցկիին։ Շատ հպարտ եմ այս հաջողության համար։ Սա երկար ճանապարհ էր՝ առաջին օրվանից, մինչ այսօր։ Սա եղել է Գալիցկու տեսլականն ու չեմ կարող ավելի արժանի հաղթանակ պատկերացնել։ Պատիվ եմ ունեցել ժամանակին այս նախագծի մասը լինելու։ Հպարտ եմ այս թիմով ու Էդուարդ Սպերցյանի ձեռքբերումներով», - գրել է Յուրա Մովսիսյանը։

Հիշեցնենք, որ հարձակվողը «ցլերի» գույները պաշտպանել է 2011-2012 թվականներին՝ մասնակցելով 50 հանդիպման ու դառնալով 23 գոլի հեղինակ։