Ինձ համար աբսուրդ է, որ Ուրարտուից ոչ մի ֆուտբոլիստ չի հրավիրվել հավաքական․ Արման Աբելյան
Մարզական լրագրող Նարեկ Առուշանյանն ու ֆուտբոլային մեկնաբան, վերլուծաբան Արման Աբելյանն Arushanyan Media յութուբյան ալիքի ուղիղ եթերում քննարկում են ունեցել, որի ընթացքում անդրադարձել են նաև Հայաստանի ազգային հավաքական հրավիրված ֆուտբոլիստների ցուցակին:
«Ուրարտուից որ մի ֆուտբոլիստ չի հրավիրվել։ Դա աբսուրդ է ինձ համար։ Ուրարտուն կարող է գրավել 2-րդ տեղն առաջնությունում ու պայմանական փոխչեմպիոն թիմից ոչ մի ֆուտբոլիստ չի հրավիրվել։ Այն դեպքում, որ լավագույն հնգայկի թիմերից ամենաշատ խաղաժամանակը Ուրարտուն է տալիս հայ ֆուտբոլիստներին ու գրեթե բոլորն իրենց սաներն են։ Չի հրավիրվել Գոռ Մատինյանը, որը հիմնական դարպասապահ է դարձել, աջ պաշտպան Խարիտոն Այվազյանը շատ լավ է խաղում, վաղուց պետք է հրավիրվել Նարեկ Աղասարյանը, հարձակվող Կարեն Մելքոնյանն ամեն խաղում գոլ է խփում ու լավ մարզավիճակում է», - ասել է Աբելյանը։
Հիշեցնենք, որ Հայաստանի ազգային հավաքականի գլխավոր մարզիչ Ջոն վան’տ Սխիպը հրապարակել է հավաքական հրավիրված ֆուտբոլիստների ցուցակը՝ Կոսովոյի և Չեռնոգորիայի հետ ընկերական հանդիպումներին ընդառաջ:
