Վարդան Մինասյանն ու իր մարզչական շտաբը հեռացան Արարատ-Արմենիայից
Վարդան Մինասյանը և իր մարզչական շտաբը՝ Արտակ Օսեյանը, Արթուր Մկրտչյանն ու Դենիս Զմեուն, ավարտում են իրենց առաքելությունն «Արարատ-Արմենիայում»։
«Հենց նրանց ղեկավարությամբ է մեր ակումբը հասել աննախադեպ բարձունքների՝ դառնալով Հայաստանի կրկնակի չեմպիոն ու կրկնակի սուպերգավաթակիր, նվաճելով Հայաստանի գավաթը։
Բայց թվերն ամենը չեն արտահայտում։
Նրանք մեր պատմության անբաժան մասն են ու միշտ կլինեն «Արարատ-Արմենիայի» մասնիկը՝ անկախ ճանապարհներից, որոնք բացվելու են իրենց առջև։
Շնորհակալություն ձեր նվիրումի, պրոֆեսիոնալիզմի և սրտացավության համար»,-ասվում է ակումբի տարածած հաղորդագրության մեջ:
