Ֆուտզալի Բարձրագույն խմբի փլեյ օֆֆ փուլի եզրափակիչ երրորդ վճռորոշ խաղում «Երևանը» հաղթեց «Յունիսպորտին» 6:4 հաշվով՝ դառնալով 2024/25 մրցաշրջանի հաղթող։ Այս մասին հայտնում է ՀՖՖ պաշտոնական կայքը:
Առաջին խաղակեսում «Յունիսպորտը» ուներ երկու գնդակի առավելություն և հաղթում էր 3:1 հաշվով, սակայն երկրորդ կեսի հենց մեկնարկում «Երևանը» կարողացավ դրսևորել կամային որակներ ու անգամ հաշվի մեջ ստացավ առավելություն` 5:3։
«Յունիսպորտին» հաջողվեց վերջնամասում կրճատել տարբերությունը 6 մետրանոց հարվածով, սակայն ավելին անել նրանց չհաջողվեց։
Խաղի վերջնամասում «Երևանը» մրցակցի դարպասն ուղարկեց 6-րդ գնդակն ու չորրորդ անգամ դարձավ ֆուտզալի Հայաստանի չեմպիոն։
