Հիասթափված եմ ու հասկանում եմ հայկական ֆուտբոլի խորը խնդիրները․ Դմիտրի Գունկո

Fastex Հայաստանի Պրեմիեր լիգայի 33-րդ տուրի «Ուրարտու»-«Վան» (0։2) հանդիպումից հետո Երևանը ներկայացնող ակումբի գլխավոր մարզիչ Դմիտրի Գունկոն խոսել է հանդիպման, սպասվող եվրագավաթային հանդիպումների ու Ուրարտուից հավաքական ֆուտբոլիստներ չհրավիրելու մասին։

«Բաց թողեցինք արագ ու ոչ պարտադիր գոլ։ Սկսեցինք 0։1 հաշվով, ինչն առավելություն էր այնպիսի թիմի համար ինչպիսին Վանն է։ Պարզ երևում էր, որ այս հանդիպմանը մոտեցել էինք խնդիրներով։ Եթե կադրային խնդիրները չերևացին Արարատի դեմ խաղում, ապա Վանի դեմ խաղում երևաց։ Ոչինչ չէր որոշում այս հանդիպումը։ Ցանկանում էինք հաղթել, բայց չստացվեց։ Շնորհավորում եմ բոլորին մրցաշրջանի ավարտի կապացությամբ։ Մրցաշարային աղյուսակը պարզ է, զբաղեցրեցինք 3-րդ հորիզոնականը, մեդալային տեղ է, բայց ցանկանում էինք 2-րդ տեղը, բայց ունենք այն ինչ ունեք։ Պատրաստվում ենք գալիք մրցաշրջանին։

Զարմացած եմ, որ Ուրարտուից ոչ մի ֆուտբոլիստ չի հրավիրվել։ Հիասթափված եմ ու հասկանում եմ հայկական ֆուտբոլի խորը խնդիրները։

Մանրամասն տեսանյութում՝