Լոկոմոտիվը մերժել է Տիկնիզյանի վերաբերյալ Ցրվենա Զվեզդայի առաջարկը

Սերբական «Ցրվենա Զվեզդան» առաջարկ է արել Մոսկվայի «Լոկոմոտիվին» պաշտպան Նաիր Տիկնիզյանի տրանսֆերի համար։ Այս մասին հայտնում է РБ Спорт-ը:

Սերբական ակումբը Նաիր Տիկնիզյանի տրանսֆերի համար առաջարկել է 1.3 միլիոն եվրո և ևս 700 հազար եվրո բոնուսային վճարումներ, սակայն «Լոկոմոտիվը» մերժել է առաջարկը։ Մոսկովյան ակումբը մտադիր է ստանալ երաշխավորված երկու միլիոն եվրո:

Հիշեցնենք, որ ՌՊԼ-ի 29-րդ տուրի ԲԿՄԱ-ի հետ խաղից (2:2) հետո Տիկնիզյանը հայտարարել է, որ ամռանը փոփոխություններ է ցանկանում և խնդրել է ղեկավարությանը բաց թողնել իրեն ամառային տրանսֆերային պատուհանի ժամանակ։

2024/2025 մրցաշրջանում Նաիր Տիկնիզյանը բոլոր մրցաշարերում անցկացրել է 33 խաղ, խփել է 2 գոլ և կատարել 4 գոլային փոխանցում։ Transfermarkt ինտերնետային պորտալը 26-ամյա ֆուտբոլիստի շուկայական արժեքը գնահատում է 6 միլիոն եվրո։