Արտակ Եդիգարյանն ավարտել է պրոֆեսիոնալ ֆուտբոլիստի կարիերան։ Այս մասին հայտնում է «Ալաշկերտ» ֆուտբոլային ակումբի մամուլի քարտուղարությունը՝ շնորհակալություն հայտնելով ֆուտբոլիստին ակումբի և խաղի հանդեպ ցուցաբերած իր նվիրվածության համար։
«Ալաշկերտի» կազմում անցկացրած 238 խաղում (2015-2024) Արտակը՝ 3 անգամ նվաճել է Հայաստանի չեմպիոնի կոչումը, ինչպես նաև 1 անգամ դարձել է Հայաստանի գավաթակիր և 2 անգամ Սուպերգավաթակիր։
Արտակ Եդիգարյանը 5-ական անգամ դարձել է Հայաստանի չեմպիոն, գավաթակիր և սուպերգավաթակիր: Խաղացել է «Փյունիկ», «Բանանց» (ներկայիս` «Ուրարտու»), «Ալաշկերտ», «Արարատ» և «Գանձասար» ակումբներում:
Հայաստանի ազգային հավաքականի կազմում մասնակցել է 32 խաղի:
