Հայաստանի ազգային հավաքականի հարձակվող Արթուր Միրանյանը հեռացել է ռումինական «Ունիվերսիտատյա Կլուժից»: Այս մասին հաղորդում է ակումբի մամուլի ծառայությունը:
29-ամյա ֆուտբոլիստի և ակումբի միջև պայմանագրի ժամկետը սպառվել է: Միրանյանը ռումինական ակումբի շարքերը համալրել էր սեպտեմբերին՝ ազատ գործակալի կարգավիճակով։
Հարձակվողը «Ունիվերսիտատյա Կլուժի» կազմում մասնակցել է 21 հանդիպման՝ դառնալով 3 գոլի հեղինակ։
Միրանյանից բացի ակումբից հեռացել են և 5 ֆուտբոլիստ։
Հիշեցնենք, որ Արթուր Միրանյանը կարիերայի ընթացքում հանդես է եկել նաև Դոնեցկի «Շախտյորի» պատանեկան թիմերում, հյուսիսմակեդոնական «Վարդարում», «Փյունիկում», «Ուրարտուում», «Ալաշկերտում» և «Նոայում»։
