Արարատ-Արմենիայի լավագույն ռմբարկուն տեղափոխվել է ՌՊԼ-ը ներկայացնող ակումբ

Ինչպես տեղեկացնում է ռուսական «Բալթիկայի» մամուլի ծառայությունը, ակումբը պայմանագիր է ստորագրել «Արարատ-Արմենիայի» արդեն նախկին հարձակվող Տենտոն Յեննեի հետ։

«2018 թվականին Տենտոն Յեննեն Նիգերիայից տեղափոխվել է Եվրոպա՝ դառնալով Սլովակիան ներկայացնող «Տրենչինայի» ֆուտբոլիստ։ Այնուհետև պաշտպանել է նույն երկրի առաջնությունում «Սենիցայի» ու «Ժիլինայի» գույները։ 2022-ի ձմռանը Տենտոնը մեկնեց Հայաստան ու պայմանագիր ստորագրեց «Նորավանքի» հետ, իսկ յես տարի անց դարձավ «Արարատ-Արմենիայի» ֆուտբոլիստ։

«Արարատ-Արմենիայի» կազմում նա մասնակցել է 113 հանդիպման, դառնալով 46 գոլի ու 24 գոլային փոխանցման հեղինակ։ Նշենք, որ այս առաջնությունում Տենտոն Յեննեն հանդիսանում է ՀՊԼ-ի լավագույն ռմբարկուներից մեկը՝ աչքի ընկնելով 16 անգամ։ Հարձակվողը հանդիսանում է նաև ակումբի պատմության լավագույն ռմբարկուն։

Պայմանագիրը կնքվել է մինչև 2028 թվականի հունիսի 5-ը։ Ողջունում ենք Տենտոնին «Բալթիկայում» ու մաղթում հաջողություններ», - ասված է ակումբի տարածած հայտարարության մեջ։

Նշենք, որ ֆուտբոլիստի տրանսֆերային արժեքն ըստ հեղինակավոր transfermarkt կայքի գնահատվում է 600 հազար եվրո։

Կալինինգրադը ներկայացնող ակումբն էլ ավարտված մրցաշրջանում հաղթել է Ռուսաստանի Առաջին լիգայում ու իրավունք ստացել մասնակցելու Պրեմիեր լիգայի գալիք առաջնությանը։