Հրաձիգները Գերմանիայում կմասնակցեն աշխարհի գավաթի խաղարկությանը

Գերմանիայի Մյունխեն քաղաքում  հունիսի 8-15-ը կանցկացվի հրաձգության աշխարհի գավաթի խաղարկության երրորդ փուլը։

Միջոցառմանը  հայտավորված են 73 երկրների ավելի քան 650 հրաձիգներ։

Մեր երկիրը կներկայացնեն ատրճանակավարներ Էլմիրա Կարապետյանը և Բենիկ Խլղաթյանը: Նրանք հանդես կգան խառը զույգով /10 մ. օդամղիչ/  և անհատական ՝  25մ. հեռավորությունից:

Հրաձիգներին  մրցավայր կուղեկցի  հավաքականի գլխավոր մարզիչ Սեյրան Նիկողոսյանը: