4 ֆուտբոլիստ հեռացել է Նոայից

Հայաստանի նորընծա չեմպիոն ու գավաթակիր «Նոան» հայտարարել է թիմից 4 ֆուտբոլիստի հեռանալու մասին։

Թիմը լքել են Գրենիկ Պետրոսյանը, Խամես Սանթոսը, Մարկոս Պեդրոն ու Բրայան Մենդոզան։

23-ամյա Գրենիկ Պետրոսյանը հանդես է գալիս հարձակվողի ու վինգերի դիրքում։ Երևանյան ակումբի կազմում, այս մրցաշրջանում, մասնակցել է 29 հանդիպման (23-ը առաջնությունում, 3-ական գավաթի խաղարկությունում, ԿԼ-ի որակավորման ու լիգայի փուլերում) դառնալով 2 գոլի ու 1 գոլային փոխանցման հեղինակ։

Բրազիլացի, 30-ամյա Սանթոսը մասնակցել է 28 հանդիպման դառնալով 2 գոլի ու 2 ասիստի հեղինակ։

Սանթոսի համերկրացի, 23-ամյա Պեդրոն մասնակցել է 19 խաղի ու դարձել 1 գոլի հեղինակ, իսկ Իտալիայում ծնված արգենտինացի 32-ամյա Մենդոզան 22 խաղում դարձել է 1 գոլի ու 1 գոլային փոխանցման հեղինակ։

Ակումբը շնորհակալություն է հայտնել ֆուտբոլիստներին։