Աղբյուր. Նաիր Տիկնիզյանի տեղափոխությունը Ցրվենա Զվեզդա կայացել է

Հայաստանի ազգային հավաքականի պաշտպան Նաիր Տիկնիզյանը կարող է կարիերան շարունակել Սերբիայի առաջատար ակումբներից մեկում՝ «Ցրվենա Զվեզդայում»: Վերջին օրերին շրջանառվող տեղեկությունների համաձայն՝ սերբական կողմը ակտիվ բանակցություններ է վարում խաղացողի ներկայիս ակումբի՝ մոսկովյան «Լոկոմոտիվի» հետ։

Ավելին՝ ինսայդեր Իվան Կարպովը իր անձնական Telegram ալիքում հայտնել է, որ 24-ամյա ֆուտբոլիստի տրանսֆերն արդեն կայացել է: Ըստ աղբյուրի՝ տրանսֆերի արժեքը կազմել է 2.2 միլիոն եվրո, իսկ պայմանագիրը նախատեսված է մինչև 2028 թվականը՝ ևս մեկ մրցաշրջանով երկարաձգելու հնարավորությամբ։ Գործարքը համարվում է ավարտված։

Սպասվում է, որ մոտ օրերս տեղափոխության վերաբերյալ կլինի պաշտոնական տեղեկատվություն: