Կրասնոդարի գլխավոր մարզիչը խոսել է Սպերցյանի հնարավոր տեղափոխության մասին

«Կրասնոդարի» մարզիչ Մուրադ Մուսաևը խոսել է կիսապաշտպան Էդուարդ Սպերցյանի` ամառային տրանսֆերային պատուհանի ժամանակ հնարավոր տեղափոխության մասին։

«Ամեն ինչ կախված է առաջարկից։ Ես չէի բացառի Սպերցյանի հեռանալը մրցաշրջանի ընթացքում՝ օգոստոսին, տրանսֆերային պատուհանի փակվելուց մեկ շաբաթ առաջ», - «Կրասնոդարի» գլխավոր մարզչի խոսքերը մեջբերում է Sports.ru-ն։

Էդուարդը «Կրասնոդարի» ակադեմիայի սան է։ Անցյալ մրցաշրջանում նա մասնակցել է ՌՊԼ-ի 28 խաղի, որոնցում խփել է 11 գոլ և կատարել վեց գոլային փոխանցում։ 

Հայաստանի հավաքականի ֆուտբոլիստը երեկ լրագրողների հետ զրույցում հայտնել էր, որ դեռևս առաջարկ չունի և չգիտի, թե որտեղ կշարունակի կարիերան: