Բազկամարտիկ Արման Մրտեյանը՝ Եվրոպայի 7-ակի չեմպիոն
20-ամյա Արման Մրտեյանը բազկամարտի Եվրոպայի առաջնության 60 կգ քաշայինների պայքարում ոսկե և արծաթե մեդալներ է նվաճել՝ ձախ և աջ ձեռքերի մրցապայքարում։
Մրտեյանը, ձախ ձեռքով 2 անգամ հաղթելով թուրք մրցակցին, 7-րդ անգամ դարձել է Եվրոպայի չեմպիոն։ Աջ ձեռքի մրցապայքարում երիտասարդ մարզիկը դուրս է եկել եզրափակիչ փուլ, բայց ստացած վնասվածքի պատճառով բավարարվել է երկրորդ տեղով։
Արման Մրտեյանը մրցում է մինչև 23 տարեկանների տարիքային խմբում։
Նշենք, որ այս մարզիկը Եվրոպայի նախորդ առաջություններին ցուցաբերել էր բացառիկ արդյունք՝ միաժամանակ իր տարիքային խմբի ոսկե մեդալները նվաճելուց զատ, հաղթել էր նաև մեծահասակների մրցապայքարում ու 4 օրում 4 ոսկե մեդալ նվաճել։ Հիշեցնենք, որ 2025 թ. մայիսի 30-ից հունիսի 9-ը Ռումինիայում անցկացվող Եվրոպայի առաջնությանը մասնակցում են 35 երկրի ներկայացուցիչներ:
