Ինչպես տեղեկացնում է «Փյունիկ» ՖԱ-ի մամուլի ծառայությունը, ակումբից հեռացել է 6 ֆուտբոլիստ։
Հայաստանի 16-ակի չեմպիոնի կազմում իրենց մրցելույթներն այլևս չեն շարունակի Տարոն Ոսկանյանը, Անտոն Բրատկովը, Բրայան Ալեսուսը, Սերժ Դեբլեն, Ագդոն Մենեզեսն ու Թեմուր Ջիկիան։
«Փյունիկը» շնորհակալություն է հայտնել ֆուտբոլիստներին պրոֆեսիոնալիզմի ու ակումբի գույները պաշտպանելու համար ու հաջողություն է մաղթել հետագա կարիերայում։
Ավելի վաղ, թիմից հեռացել էր նաև Արթուր Գրիգորյանը։
