Transfermarkt-ը բարձրացրել է Սպերցյանի արժեքը. նա այժմ ՌՊԼ-ի ամենաթանկ խաղացողներից մեկն է

Transfermarkt վիճակագրական պորտալը, որը մասնագիտածած է ֆուտբոլիստների տրանսֆերային արժեքի գնահատման մեջ, թարմացրել է Ռուսաստանի առաջնության վերաբերյալ իր տվյալները: «Կրասնոդարի» հայ կիսապաշտպան Էդուարդ Սպերցյանի տրանսֆերային արժեքը բարձրացել է 5 միլիոն եվրոյով և այժմ կազմում է 25 միլիոն եվրո։

Այսպիսով, Սպերցյանը դարձել է ՌՊԼ-ի երկու ամենաթանկ խաղացողներից մեկը՝ ըստ Transfermarkt-ի: Պորտալը «Զենիթի» ֆուտբոլիստ Լուիս Էնրիկեին ևս գնահատել է 25 միլիոն եվրո։

«Կրասնոդարը» 2024/2025 մրցաշրջանի արդյունքներով դարձել է Ռուսաստանի չեմպիոն: «Զենիթը» զբաղեցրել է երկրորդ տեղը, իսկ Մոսկվայի ԲԿՄԱ-ն եզրափակել է լավագույն եռյակը:

Էդուարդ Սպերցյանը ՌՊԼ-ի նախորդ մրցաշրջանում անցկացրել է 28 խաղ, որոնցում խփել է 11 գոլ և կատարել վեց գոլային փոխանցում: