Հաստատվել է Կոսովո-Հայաստան հանդիպումը սպասարկող մրցավարական անձնակազմը

Կոսովո-Հայաստան ընկերական հանդիպումը կսպասարկի ալբանական մրցավարական անձնակազմը։

Հանդիպման մրցավար է նշանակվել Յուջին Ջայան, մրցավարի օգնականներ՝ Ջուլիո Մանին և Մարյուս Սոսեն: Հանդիպման չորրորդ պաշտոնյան կլինի Ֆլորիան Լատան:

Ջայան սպասարկել է Կոնֆերենցիաների լիգայի 10, Եվրոպա լիգայի 7, Ազգերի լիգայի 2, Չեմպիոնների լիգայի 1 հանդիպում։

Հիշեցնենք, որ Կոսովո-Հայաստան ընկերական հանդիպումը կկայանա հունիսի 6-ին՝ ժամը 21։00-ին (Երևանի ժամանակով) Պրիշտինայի «Ֆադիլ Վոկրի» մարզադաշտում: