Երբ գոլ խփեցի, աչքերումս արցունքներ հայտնվեցին․ Սպերցյանը՝ հավաքականում նորամուտի մասին (տեսանյութ)
Հայաստանի ազգային հավաքականի ու «Կրասնոդարի» կիսապաշտպան Էդուարդ Սպերցյանը ՀՖՖ-ի հետ անցկացրել է հարցազրույց, որում խոսել է հավաքականում նորամուտի, Հենրիխ Մխիթարյանի ու Յուրա Մովսիսյանի հետ հարաբերությունների, Տիկնիզյանին, Սևիկյանին ու Հարությունյանին տված խորհուրդների մասին․
«Շատ լավ եմ հիշում իմ առաջին խաղը՝ նորամուտս Ռումինիայի դեմ խաղում։ Հավաքականը տարավ հերթական հաղթանակը։ Կարծում եմ՝ այն միշտ կմնա հիշողությանս մեջ՝ որպես ամենահիշարժան պահ։ Իհարկե, ծանր էր իմ համար։ Դեռ շատ երիտասարդ էի և բարձր մակարդակում հանդես չէի եկել։ Ինձ հնարավորություն տվեցին խաղադաշտ դուրս գալ 2-րդ կեսում։ Դա պատմություն է։ Այդ մթնոլորտը․․․, երբ գոլ խփեցի, աչքերումս արցունքներ հայտնվեցին։ Դա, իհարկե, երազանք էր»։
